ဘယ်နေရာ ရောက်ရောက် လူထုဘက် က ရပ်တည်နေတဲ့ ကိုကျော်သူတို့  ဇနီးမောင်နှံ

အချိန်ပြည့် လျှပ်စစ်မီးရရှိရေး ငြိမ်းချမ်းစွာ ဆန္ဒပ္ဒြနေတဲ့ ပြည်သူတွေ ကို ထောက်ခံတဲ့ အနေနဲ့  အမေရိကန် ပြည်ထောင်စု နယူးယောက်မြို့ ကို ခေတ္တရောက်ရှိနေတဲ့ ကိုကျော်သူတို့  ဇနီးမောင်နှံ တို့ ကလည်း  မြန်မာမိသားစုတွေနဲ့ အတူ အခုလို ငြိမ်းချမ်းစွာ နဲ့ ဆန္ဒဖော်ပြခဲ့ကြပါတယ်။ 

လူထု ကို ၂၄နာရီ လျှပ်စစ်မီး ရစေချင်တဲ့ ကိုကျော်သူ (ပုံ မစုဥာဏ်)

၂၄ နာရီမီးအမြဲ ရနေတဲ့ နယူးယောက်မြို့ မှာ၊ လျှပ်စစ်မီးကို အမှောင်ချပြီး အခုလို ငြိမ်းချမ်းစွာ ဆနဖော်ထုတ်။(ပုံ မစုဥာဏ်)

ကိုကျော်သူ၊ မရွေဇီးကွက်တို့ နှင့် နယူးယောက်မှ မြန်မာမိသားစုများ(ပုံ မစုဥာဏ်)

နယူးယောက်မြို့ တရုတ်တန်းမှာ ရှိတဲ့ Project Reach မှာ မေလ ၂၅ ရက်နေ့ က ကျင်းပခဲ့တဲ့ "ကျော်သူရဲ့ ပထမဆုံးထွက်ပေါက် အနုပညာရင်ဖွင့်သံပန်းချီပြပွဲ" ဖွင့်ပွဲ အခမ်းအနားမှာ ဒီအစီအစဉ် လေးကို ပါ ထည့်သွင်းခဲ့ခြင်းဖြစ်ပါတယ်။

(မှတ်မှတ်ရရ၊ ကျွန်မ ရောက်နေတဲ့ ၅ နှစ်တာ ကာလအတွင်း နယူးယောက်မြို့ မှာ လျှပ်စစ်မီး တစ်ခါ ပဲ ပျက်ဖူးပါတယ်။ ၂၀၀၃ ခုနှစ် သြဂုတ်လ မှာ၊ မုန်တိုင်းကျပြီး၊ တချို့ နေရာ ကရေကြီး၊ တချို့ နေရာမှာ သစ်ပင် ပိ တဲ့ အတွက် နယူးယောက်မြို့ ရဲ့ နေရာ တချို့ မှာ မီးပျက်သွားပါတယ်။ စားသောက်ဆိုင်ပိုင်ရှင်တွေ၊  စီးပွားရေးလုပ်ငန်းရှင် တွေ က Con Edison လို့ ခေါ်တဲ့ လျှပ်စစ်ကုမွနီကို ၀ိုင်းပြီး တရားစွဲကြ၊ မြို့ တော်ဝန် အပါအ၀င် တာဝန်ရှိသူတွေ ကလည်း လျော်ကြေးပြန်ပေးဖို့ Con Edison ကို ၀ိုင်းပြီး ဖိအားပေးကြပါတယ်။ နယူးယောက်မြို့ သူ မြို့ သား တွေ အတော်လေး မကျေမနပ်ဖြစ်ကြ၊ သတင်းစာတွေ၊ တီဗီတွေ ထဲမှာ ဒီမီးပျက်တာကို ပဲ သတင်းထူးတစ်ခု အဖြစ် ဖော်ပြကြတဲ့ အခါ (ရှမ်းပြည်က လျှပ်စစ်မီး မရဖူးတဲ့ ရွာလေးမှာ ကြီးလာတဲ့ ) ကျွန်မ စိတ်ထဲ ဒီလူတွေ ပိုတတ်ရန်ကော လို့  တွေးမိတယ်။ အလုပ်ထဲ ရောက်လို့  သူငယ်ချင်းတွေ က မီးပျက်တာကို ၀ိုင်းပြီး ပူညံပူညံ လုပ်နေချိန်မှာ ကျွန်မ က အေးအေးဆေးဆေးဖြစ်နေလို့ သူတို့ တွေ က မေးတဲ့အခါ၊ မြန်မာပြည်၇ဲ့  မြို့ ကြီးတွေ မှာတောင် လျှပ်စစ်မီး ကို ၂၄ နာရီ ပုံမှန်မရတဲ့အကြောင်း၊ လျှပ်စစ်မီး လုံးဝမရသေးတဲ့ နေရာတွေ အများကြီးရှိကြောင်း ပြောပြတော့ သူတို့ တွေ မျက်လုံးပြူးကုန်တယ်။ ၂၁ ရာစုမှာ တတိုင်းပြည်လုံး လျှပ်စစ် မီးမရသေးတဲ့ နိုင်ငံဆိုပြီး မြန်မာပြည် မြေပုံ ကို အပြေးအလွှား ရှာကြည့်တဲ့ သူက ကြည့် နဲ့  ဖြစ်ကုန်တယ်။ ဒါတောင် သူတို့ တွေ လို မီးပျက်တာကို တရားစွဲဖို့  မပြောနဲ့ ၊ မီးမလာ လို့  ငြိမ်းငြိမ်းချမ်းချမ်း ဖယောင်းတိုင် ထွန်းပြီး တောင်းဆို ရုံနဲ့  အဖမ်းခံရနိုင်တယ် ဆိုတာ မသိသေးလို့ ။ ကိုယ့်တိုင်းပြည် မကောင်းကြောင်း ဘယ်ပြောချင်ပါ့ မလဲ၊ ခက်တာက .....)

မြန်မာပြည်မှာ ၂၄ နာရီ မီးလင်းတာ မြင်တွေ့ ချင်နေတဲ့ အမေအို (ပုံ-facebook)

မြန်မာပြည်နဲ့  မိုင်ထောင်ပေါင်းများစွာ ဝေးနေပေမယ့် မြန်မာ ဟာ မြန်မာပါပဲ။ (ပုံ မစုဥာဏ်) 

 အိမ်ပြန်ရောက်တော့ လျှပ်စစ်မီးတွေ ကို အမှောင်ချလိုက်ပြီး၊ ကျွန်မ ဖယောင်းတိုင် ၂ တိုင်ထွန်းပြီး ဆုတောင်းပါတယ်။ တစ်တိုင်က ပြည်တွင်းမှာ ၂၄ နာရီ လျှပ်စစ်မီး ပေးဖို့ ၊ နောက်တစ်တိုင်က ဖယောင်းတိုင် လှုပ်ရှားမှုနဲ့  ငြိမ်းချမ်းစွာ ဆနထုတ်ဖော်နေသူ များ ကို မဖမ်းဆီး ဖို့ သက်ဆိုင်ရာ အစိုးရ ဆီ တောင်းဆိုခြင်း ပဲ ဖြစ်ပါတယ်။