အမေရိကန်ပြည်ထောင်စုမှာ ထုတ်ဝေလိုက်တဲ့ မြန်မာ့နိုင်ငံရေးအကျဉ်းသူဟောင်း တစ်ဦး၏ စာအုပ်

မြန်မာ စာရေးဆရာမ မခက်မာ (နိုင်ငံရေး အကျဉ်းသူဟောင်း) ရဲ့ " The Souls of Fallen Flowers" (အကြွေပန်းများ၏၀ိဥာဉ်များ) အမည်ရှိ ၀ထ္တွု စာအုပ် ကို အမေရိကန်ပြည်ထောင်စု မှာ ဖေဖော်ဝါရီ လ ၂၄ ရက် နေ့ က စတင် ထုတ်ဝေလိုက်ပြီ ဖြစ်ပါတယ်။ ထူးခြားချက်တစ်ခု အနေနဲ့ ….စာအုပ် ထုတ်လုပ်ရာမှာ ခေတ်မီ စက်ကိရိယာများနဲ့  ထုတ်လုပ်တာ မဟုတ်ပဲ လက်မှုနည်းပညာတွေ နဲ့  အချိန်ယူ ထုတ်လုပ်ခဲ့ခြင်းပဲဖြစ်ပါတယ်။ (စက်မှုနည်းပညာတွေ ထွန်းကားလှတဲ့ အမေရိကန်ပြည်ထောင်စုမှာ hand-made ခေါ် လက်မှုလုပ်ငန်းတွေ ကို အင်မတန်မှ တန်ဖိုးထားကြပါတယ်။)  

  

မခက်မာ၏လက်ရာ

စာအုပ်ချုပ်ရာမှာ …Pensylvinia ရှိ Lafayette College  မှ ပန်းချီဆရာမ MaryAnn Miller နှင့် အဖွဲ့  က လက်နဲ့  ချုပ်လုပ် ပေးခဲ့ကြတာ ဖြစ်ပါတယ်။ ပထမဦးဆုံးခြေလှမ်းအဖြစ် အမေရိကန်ပြည်ထောင်စု အတွင်း က တက္ကသိုလ်စာကြည့်တိုက်တွေ မှာ ထားရှိဖို့  စာအုပ်ပေါင်း ၂၅ အုပ်ကိုသာ ဦးစွာထုတ်ဝေလိုက်တာ ဖြစ်ပြီး၊ ဈေးကွက်တင် ရောင်းချမယ့် စာအုပ်တွေ၊ ဒီဂျီတယ်စာအုပ်တွေ ကို မကြာခင် ထုတ်ဝေသွားဖို့  စီစဉ်နေကြောင်း သိရပါတယ်။ 

စကားပြောရင် အသံတိုးတိုး၊ ခပ်ပြုံးပြုံးနဲ့  ပြောတတ်တဲ့ မခက်မာ ကို စတင် ရင်းနှီးခွင့်ရစဉ်တုန်းက ထက်မြက်တဲ့ နိုင်ငံရေး လှုပ်ရှားသူတစ်ဦးလို့  ကျွန်မ မသိခဲ့ပါဘူး။ ရန်ကုန်မြို့  က မိဘမဲ့ ကလေး ပညာသင်ကြားရေး လုပ်ငန်းတွေနဲ့  ပတ်သက်ပြီး အလှူငွေရရှိရေးလုပ်ငန်း အတွက် ဆရာ မောင်စွမ်းရည်ရဲ့  နေအိမ်မှာ ကျွန်မတို့  စတင်တွေ့ ဆုံခဲ့ကြပါတယ် ။ (အဲဒီ အချိန်ကစပြီး အခု အထိ မခက်မာနဲ့  ကျွန်မ အောင်ဇေယျာမင်းမိဘမဲ့ဘုန်းတော်ကြီးသင်ကျောင်း အတွက် ရံပုံငွေရရှိဖို့  လက်တွဲ ဆောင်ရွက်နေကြဆဲဖြစ်ပါတယ်။)  နောက်ပိုင်းမှာတော့ မြန်မာဆန်ဆန် ချောမော ပြီး၊ သိမ်သိမ်မွေ့ မွေ့ နဲ့  လှုပ်ရှား သွားလာ တတ်တဲ့ အမျိုးသမီးဟာ၊ သူ့ ရဲ့ ယုံကြည်ချက်နဲ့  လှုပ်ရှားမှုတွေ ကြောင့် စစ်ကြောရေးစခန်းတွေ၊ သံတိုင်တွေ နောက်ကွယ်မှာ ခါးသီးတဲ့ နေ့ ရက်တွေ ကို ဖြတ်ကျော်လာခဲ့ဖူးသူ တစ်ဦး ဖြစ်ကြောင်း ကျွန်မ သိလာခဲ့ရပါတော့တယ်။ 

မခက်မာကို ၁၉၆၉ ခုနှစ်မှာ မွေးဖွားခဲ့ပြီး၊ အသက် (၂၂) နှစ်အရွယ် (၁၉၉၁ခုနှစ်) မှာ Ten D လို့  ခေါ်တဲ့ ဒီဇင်ဘာလ(၁၀) ရက် ကျောင်းသား လှုပ်ရှားမှုမှာပါဝင်မှု၊ စစ်အစိုးရအားဆန့် ကျင်တဲ့ ကဗျာများ ရေးသားဖြန့်  ဝေခဲ့မှု ကြောင့် ကျောင်းသားပေါင်း ၄၀၀ ကျော်တို့ နဲ့  အတူ အဖမ်းခံခဲ့ရပါတယ်။ စစ်ထောက်လှမ်းရေးက စုံစမ်းစစ်ဆေးမှုတွေ ပြုလုပ်အပြီး ကျောင်းသားအချို့ ကို ပြန်လည်လွတ်ပေးလိုက်ပေမယ့်၊ မခက်မာနဲ့  အတူ ကျောင်းသားပေါင်း ၆၀ ကျော်တို့ ကို ပြစ်မှုထင်ရှားတဲ့ အတွက် ထောင်ဒဏ် (၁၀) နှစ်စီ ချမှတ်ခြင်း ခံခဲ့ရပါတယ်။ ထောင်သက်တမ်း (၁၀) နှစ် မစေ့ မီ၊ လွတ်ငြိမ်းချမ်းသာခွင့်နဲ့  ပြန်လည်လွတ်မြောက်လာပြီး၊ မိဘမဲ့ ကလေးများ အတွက် စာသင်ကြားရေး၊ နာဂစ်မုန်တိုင်းသင့် ဒေသများသို့  သွားရောက်ကာ ကူညီ ကယ်ဆယ်ရေး စတဲ့ လုပ်ငန်းတွေမှာ ဆက်လက် ပါဝင်ခဲ့တဲ့ အတွက် ထောက်လှမ်းရေးများရဲ့  စောင့်ကြည့်ခြင်းခံရသူ၊မကြာခန ခေါ်ယူ စစ်ဆေးခြင်းခံခဲ့ရသူ တစ်ဦးလည်းဖြစ်ပါတယ်။ 

ထောင်တွင်း အတွေ့ အကြုံ၊ စစ်ကြောရေး အတွင်း က အတွေ့ အကြုံ တွေ ကို မေးမြန်းတဲ့ အခါ အမ က ခပ်ကြမ်းကြမ်းနဲ့  စစ်ဆေးခဲ့တဲ့ အရာရှိတွေ ရှိသလို၊ အပျော့နည်းနဲ့  မေးခဲ့သူတွေ လည်းရှိတယ်ဆိုတဲ့ အကြောင်း ပြောပြပါတယ်။ မခက်မာက …သူ့ ဘ၀အတွေ့ အကြုံတွေ၊ ထောင်တွင်း က ခါးသီးတဲ့ အတွေ့  အကြုံတွေ ထက် မိဘမဲ့ ကလေးတွေ ရဲ့ အခက်အခဲတွေ နဲ့  ကျွန်မတို့ ဘက်က ကူညီနိုင်မယ့် နည်းလမ်းတွေကို ပိုပြီး ဦးစားပေးတဲ့ ပုံပေါက်နေတာမို့ ၊ ကျွန်မတို့ ထပ်ဆုံတွေ့ တဲ့ အချိန်တွေ မှာလဲ အမ အဖမ်းခံခဲ့ရပုံတွေ၊ ထောင်တွင်း အတွေ့  ကြုံတွေ အကြောင်း တွေကို မပြောဖြစ်ခဲ့ကြပါဘူး။ နိုင်ငံရေးအကြောင်း စကားစပ်မိတဲ့  အခါတိုင်း အမက သူ့ အကြောင်းထက်  ကိုမင်းကိုနိုင်တို့  အကြောင်း၊ အမေရိကန်စဲန်တာ မှာ ကျောင်းသားလူငယ်တွေ အတွက် ကိုဇာဂနာတို့ ရဲ့  လှုပ်ရှားမှုတွေ အကြောင်း တွေ ကို တလေးတစား ပြောပြလေ့ရှိတတ်ပါတယ်။ အခု ထုတ်ဝေလိုက်တဲ့ The Souls of Fallen Flowers စာအုပ်ထဲမှာတော့ အမရဲ့ ထောင်တွင်း အတွေ့ အကြုံတွေ အကြောင်း ကို ထည့်သွင်းရေးသားထားတယ်လို့  သိရပါတယ်။      

၂၀၀၉ ခုနှစ် မှာ အမနဲ့  မိသားစုဝင်တွေ၊ အမေရိကန်ပြည်ထောင်စု ကို ပြောင်းရွှေ့ နေထိုင်လာတဲ့ အခါ၊ အမရဲ့ မိသားစုဝင်တွေနဲ့  ကျွန်မဆုံတွေ့ ခွင့်ရခဲ့ပါတယ်။ ခင်ပွန်းသည် ကိုယ်တိုင်ကလဲ စာပေနဲ့  ပန်းချီပညာ ဘက်မှာ ထူးချွန်သူ ဖြစ်လို့  အမတို့  မိသားစုလေး ကို မြင်ရတာ ငြိမ်းငြိမ်းချမ်းချမ်းရှိလှပါတယ်။
အခု ထုတ်ဝေလိုက်တဲ့ The Souls of Fallen Flowers    စာအုပ်မှာ ခင်ပွန်းဖြစ်သူ ပန်းချီသန်းဌေးမောင် က မျက်နှာဖုံး ပန်းချီကို ရေးဆွဲပေးသလို၊ သား ၂ ယောက်ကလဲ ပါဝင်အားဖြည့်ထားကြတာမို့ ..တနည်းအားဖြင့် ပြောရရင်… အနုပညာမြတ်နိုးတဲ့ မြန်မာမိသားစု တစ်စုရဲ့ လက်ရာလို့  ဆိုနိုင်ပါတယ်။ မြန်မာ့ နိုင်ငံရေးအကျဉ်းသူဟောင်း တစ်ဦးရဲ့ ကမ္ဘာ ကို ရင်ဖွင့်ပြောကြားသံ မှာ ဘာတွေ ပါဝင်မလဲ ဆိုတာကို တော့ စာအုပ် ထွက်လာတဲ့ အခါ စောင့်မျှော်ဖတ်ရှု နိုင်ပါတယ်။  

 မခက်မာရဲ့  စာအုပ်အကြောင်း ပြောဆိုထားတဲ့ တီဗီသတင်းကို ကြည့်ရှုလိုပါက
 

http://www.wfmz.com/news/College-helps-Burmese-woman-share-story-of-torture-imprisonment/-/121458/9016180/-/7npjpfz/-/

(မခက်မာ ဟာ မြန်မာပြည်တွင်းမှာ နေထိုင်စဉ် က ကဗျာ ၊ ၀ထ္တွုတို နဲ့  အက်ဆေးပေါင်းများစွာ ကို ရေးသားထုတ်ဝေခဲ့ပြီး၊ ဆရာမ ရေးသားတဲ့ Wild Snowy Night အပါအ၀င် ၀တွုပေါင်းများစွာကို  အင်္ဂလိပ်ဘာသာသို့  ဘာသာပြန်ဆိုခြင်းခံခဲ့ရပါတယ်။ ဆရာမရဲ့ " ၀တ္တုမဟုတ်" ဆိုတဲ့ ၀တွုကို ဂျပန်ဘာသာပြန်ဆိုခြင်းခံရပြီး ရုပ်ရှင်ကား အဖြစ်ထုတ်လုပ်ရိုက်ကူးဖို့  ရွေးချယ်ခံခဲ့ရပါတယ်။ ဆရာမရဲ့  ထောင်တွင်း အတွေ့ အကြုံအက်ဆေးနှစ်ပုဒ်နဲ့  ကဗျာ ၃ပုဒ် ကိုလည်း စပိန်ဘာသာ အဖြစ် ပြန်ပြီးပုံနှိပ်ဖော်ပြခြင်းခံခဲ့ရပါတယ်။ဆရာမရဲ့  စာပေလက်ရာ များကို http://khetmar.blogspot.com/ ဖတ်ရှုနိုင်ပါတယ်) 

ခင်မင်ရင်းနှီးစွာဖြင့် 
မစုဥာဏ်