သေမင်း နှင့် ကျွန်မမိတ်ဆွေ နှစ်ဦးအကြောင်း

ဒီရက်ပိုင်း ကျွန်မရဲ့ အတွေးတွေ ကို စိုးမိုးနေတာက “သေခြင်းတရား” ဖြစ်သည်။ လူတွေ သေဆုံးနေကြသည် ကို နာရေးကြော်ငြာတွေထဲမှာဖြစ်ဖြစ်၊ တီဗီဖန်သားပြင်ပေါ်မှာ ဖြစ်ဖြစ် နေ့ စဉ် နဲ့  အမျှ မြင်တွေ့ ၊ ကြားသိနေရသည်မို့ ကျွန်မတို့  အားလုံး သေခြင်းတရား နှင့် မစိမ်းကြ။ သို့ သော် အဆိုပါ သေခြင်းတရားက ကျွန်မ၏ မိတ်ဆွေ နှစ်ဦး(Susan နှင့် Ting) နှင့် ပတ်သက်လာသောအခါ ကျွန်မ အတွေးပိုမိသည်။ တိတိကျကျဆိုရသော် သေခြင်းတရား၏ လှည့်စားတတ်သည့် သဘောသဘာဝ ကို တွေးနေမိခြင်းပင်ဖြစ်သည်။   

Photo: internet

Susan သည် အသည်းရောဂါ ကို ခံစားနေရသည့် အသက် ၃၀ အရွယ် ဝေဒနာရှင်တစ်ဦးဖြစ်သည်။ ကျွန်မ လက်တွေ့  ဆင်းနေသည့် ဆေးရုံမှာ မကြာခန ကုသမှု ခံယူနေခြင်းကြောင့် ကျွန်မတို့  နှစ်ယောက် မကြခန စကားပြောဖြစ်သည်။ Susan တစ်ယောက် အသည်း အစားထိုးကုသခံယူ ဖို့  စာရင်းသွင်းထားသော်လည်း၊ အမေရိကန် ပြည်ထောင်စုမှာ အသည်းအစားထိုး ကုသခံရဖို့  စောင့်ဆိုင်း နေသူပေါင်း ၁၇၀၀၀ ကျော် ရှိနေပြီး၊ လိုအပ်နေသော အသည်း၏ အမျိုးအစားနဲ့  တူရန်၊ သွေး အမျိုးအစားတူရန် စသဖြင့် လိုအပ်ချက်တွေ က များလွန်းသဖြင့် အစားထိုးကုသခွင့် မရလိုက်ပဲ သေဆုံးသွားသည့် လူနာများလည်း ရှိကြသည်။ ဒါကြောင့် Susan တစ်ယောက် သူ့  ကိုယ်သူ “သေလူ” ဟု  သဘောထားခဲ့ သည်။ ၀မ်းနည်း အားငယ်ခြင်း၊ နာကျင်ခြင်း၊ မယုံကြည်နိုင်ခြင်း စသည့် စိတ်ခံစားမှု အဆင့်ဆင့် ကို အချိန်ကာလ တစ်ခု အထိ ဖြတ်သန်းအပြီးမှာ Susan

တစ်ယောက် သေခြင်းတရား ကို ရင်ဆိုင်ဖို့  ပြင်ဆင်ခဲ့သည်။

 

“သေရတော့မယ်လို့  အသေအချာလက်ခံလိုက်တဲ့ အခါ၊ လောကကြီးမှာ နေရဖို့ အချိန် သိပ် မရှိတော့ဘူးလို့  သိလာရတဲ့ အခါ၊ ကိုယ့်ဘ၀ အတွက် အရေးကြီးဆုံး ကိစ္စွ တွေ က ပိုပြီး ထင်ရှား လာတယ်” လို့  Susan က ဆိုသည်။ Susan ဟာ လွန်ခဲ့တဲ့ တစ်နှစ်လောက်က စပြီး အသေးဖွဲ ကိစ္စွ အတွက် အချိန်မပေးတော့ ပါဘူးတဲ့။ ဥပမာ..မျက်နှာပေါင်းတင်ဖို့ ၊ အိမ်ရှင်းဖို့  စတဲ့ သူလုပ်နေကြ အလုပ်တွေကို အပိုအလုပ်တွေလို့ မြင်လာပြီး၊(အရင် က သူတန်ဖိုး မထား ခဲ့တဲ့) ဆွေမျိုးတွေ နဲ့  တွေ့ ဆုံဖို့ ၊ သူ စိတ်နာနေတဲ့ အဖေဖြစ်သူ နဲ့  တယ်လီဖုန်းစကားပြောဖို့ ၊ မရောက်ဖူးသေး တဲ့ နေရာတွေကို သွားဖို့ ၊ Church မှာ ဆုတောင်းဖို့  စတဲ့ ကိစ္စ တွေ က သူ့ အတွက် အလေးထား စရာတွေ ဖြစ်လာပါသတဲ့။ သူနဲ့  နေ့ စဉ် တွေ့  ကြုံဆက်ဆံရသူတွေ အားလုံးကို နောက်ဆုံး တွေ့  ဆုံခြင်းပဲလို့  သဘောထား လိုက်တဲ့ အခါ၊ အရင်က သူ့ ကို စိတ်အနှောင့် ယှက်ဖြစ်စေ ခဲ့တဲ့ သူတွေရဲ့  အပြုအမူတွေ ကလဲ ခွင့်လွတ် နိုင်စရာဖြစ်သွားပြီး၊ လူတိုင်းကို ငြိမ်းငြိမ်းချမ်းချမ်းနဲ့  သူပြန်ပြီး ဆက်ဆံနိုင် ခဲ့သည် ဟုဆိုသည်။ သူ့ အပေါ် အကူအညီပေးခဲ့ဖူးသူများ၊ ကျေးဇူးတင်ထိုက်သူများ ကို စာရင်းလုပ်ပြီး၊ ကျေးဇူးတင် ကဒ်လေးတွေ ပေးပို ခဲ့သည်။ ဒါတင်မက၊ သူသေသွားပြီးတဲ့ အခါ သူ့ အလောင်း ကို ဂူသွင်းတာမျိုးမလုပ်ပဲ၊ အစားထိုးကုသမှု အတွက် လိုအပ်နေတဲ့ နေရာတွေ အတွက် ကို ခွဲဝေ လှူဒါန်းသွားဖို့ ကို တောင် စီစဉ်လိုက် သေးသည်။  

အဲ… Susan တစ်ယောက် သေခြင်းတရားကို ရင်ဆိုင်ဖို့  အဆင်သင့်ပြင်ဆင်ပြီးသည့် အချိန်မှာ၊ သူနဲ့  အသည်းအမျိုးအစားတူတဲ့ အလှူတစ်ခုကို ရလို့  လာရောက်ကုသမှုခံယူဖို့  ဆေးရုံက သူ့ ကို အကြောင်းကြားလာသည်။ အစားထိုးခွဲစိပ်မှု က အောင်အောင်မြင်မြင်နဲ့  ပြီးဆုံးခဲ့ပြီး၊ ကျွန်မနှင့် စကား ပြောချိန်မှာ Susan တစ်ယောက် ဆေးရုံမှ အိမ်သို့  ပြန်ဆင်းရခါနီးဖြစ်လို့ နေပြီ။ “ကျွန်မ ကို သေမင်းက အလို မရှိသေးဘူးနဲ့  တူပါရဲ့ ” လို့  ရီရီမောမော ပြောနေတဲ့ သူ့ ကို ကြည့်ပြီး ကျွန်မ ၀မ်းသာ ပျော်ရွင် ခဲ့ရသည်။ သေခြင်းတရား ကို အကောင်းဆုံး ရင်ဆိုင်သွားဖို့  သူ့ ရဲ့  လက်ခံနိုင်မှု၊ စိတ်ဓာတ်ကြံ့ခိုင်မှု တွေ ကို ကျွန်မ ချီးကျူးမိသည်။ သူ့ နေရာမှာ ကျွန်မသာ ဆိုလျှင် သူ့ လောက် တည်တည်ငြိမ်ငြိမ် နေနိုင်မည်မဟုတ်သည်ကား သေချာသည်။      

***********************************************************************

နောက်တနေ့ မနက် အလုပ်ရောက်တော့ ကျွန်မသူငယ်ချင်း Ting ဆိုသည့် နပ်စ့်မလေး လူနာတွေ ကို အိမ်တိုင်ရာရောက် ဆေးလိုက်ကုသရင်း ပျောက်ဆုံးသွားကြောင်း၊ ရဲက ရှာဖွေတော့မှ ဘရွတ်ကလင် နားက မြစ်ထဲမှာ သူ့  အလောင်းကို တွေ့ ရသည့် အကြောင်း အီးမေလ်းဝင်လာသည်။ အီးမေလ်းကို ဖတ်ပြီး စိတ်ထိခိုက်လွန်းလို့  ကျွန်မ အလုပ်တောင် မလုပ်နိုင်ခဲ့။ Ting သည် အသက် ၂၆ နှစ်သာ ရှိသေးပြီး၊ လွန်ခဲ့တဲ့ လအနည်းငယ်ကမှ  သူနာပြုဘွဲ့ ကို ရရှိခဲ့သူဖြစ်သည်။ တရုတ်နိုင်ငံကနေ အမေရိကန် ပြည်ထောင်စု ကို ပြောင်းရွှေ့ လာပြီး၊ စာအလွန်ဖတ်ရသည့် သူနာပြု ဘာသာရပ် ကြောင့်၊ ရွယ်တူ သူငယ်ချင်းတွေလို ပျော်ပါးချိန်မရပဲ၊ အချိန်ပိုင်းအလုပ်လုပ်၊ ကျောင်းသွား၊ စာကျက်ဖြင့် နေ့  ရက်တွေ ကို ကုန်ဆုံးစေခဲ့သူဖြစ်သည်။

သူနှင့် ကျွန်မ စတွေ့ စဉ်က ၂၀၁၀ခုနှစ်၊ နွေရာသီ internship အစီအစဉ် တစ်ခု မှာဖြစ် သည်။ ကျောင်းမတူ၊ ဘာသာရပ်မတူသော်လည်း၊ ဆေးပညာနှင့် ဆိုင်သည့် ကျောင်းသူ၊ ကျောင်းသားများ ကိုရွေးချယ်ပြီး လူနာများကို  အိမ်တိုင် ရာရောက်ဆေး လိုက်ကုသည့် သင်တန်း တစ်ရပ်တွင်ဖြစ်သည်။ သင်တန်းထဲမှာ အာရှသူဆိုလို့  ကျွန်မတို့  နှစ်ယောက်ပဲ ရှိတာကြောင့် က တပိုင်း၊ အဖွဲ့ ငယ်တွေ ခွဲလိုက်သည့် အခါ ကျွန်မတို့  နှစ်ယောက်က တစ်ဖွဲ့ တည်းကျ တဲ့ အတွက် ကြောင့် ကျွန်မတို့  ပိုပြီးရင်းနှီးခဲ့ကြသည်။ အဖွဲ့ လိုက် Presentation တွေ လုပ်ဖို့ ၊ ကျွန်မရဲ့ အခန်းမှာ ဆုံကြ၊ စားသောက်ရင်း စာလုပ်ကြနှင့်ဆုံဖြစ်ခဲ့ကြသည်။  ကျောင်းပြီးသွားတော့၊ ငွေကြေးအဆင်ပြေသူတွေက ဆေးရုံကောင်းကောင်း၊ နေရာကောင်းကောင်း ကို စိတ်ကြိုက်ရွေးချယ် ဖို့  အချိန်ယူကာ အလုပ်ရှာနိုင်ကြသော်လည်း၊ ငွေကြေး လိုအပ်နေသူများက ရရာနေရာမှာ အလုပ်ဝင်လုပ်ကြရသည်။ Ting  တစ်ယောက် လူနာတွေ ကို အိမ်တိုင် ရာရောက် ဆေးကုသမှုပေးသည့် အေဂျင်စီတစ်ခု မှာ အလုပ်ရသွားသည်။ အဆိုပါ အလုပ်မှာ မွန်မြတ် သော်လည်း အန္တရာယ်များလှ၏။ လူနေထူထပ် သည့် မြို့ လယ်ကောင် လို နေရာမှာ ဆေးကုသွားရလျှင် စိုးရိမ်စရာမရှိသော်လည်း၊ နယူးယောက်မြို့  ၏ အချို့ ရပ်ကွက်များ က ပြစ်မှု ထူထပ်သည့် နေရာများဖြစ်သည်။ ဆေးစွဲနေသူ၊ စိတ်ရောဂါခံစားနေရသူ လူနာများ၏ အိမ်တွင် တစ်ယောက်တည်း သွားပြီး ဆေးဝါးကုသမှုပေးဖို့  မလုံခြုံလှသော နေရာများရှိသည်။ ဒါ့အပြင် ကုသမှုပိုင်းဆိုင်ရာမှာ တစ်ခုခု မှားယွင်းပါက လူနာက တရားစွဲဖို့ အဆင်သင့်။ ကုသမှုပေးသည့် ဆေးဝန်ထမ်းများ မမှားလျှင်တောင်မှ လျော်ကြေးငွေလိုချင်သည့် အတွက် ကြံဖန်ပြီး တရားစွဲနေသည့် လူနာတွေ က လည်း မနည်း။ ဆေးရုံမှာက တခြားမျက်မြင်သက်သေတွေ ရှိနိုင်သေးသည်။ လူနာအိမ်မှာ တခုခုဖြစ်က ကိုယ့်ဘက်မှာ သက်သေမရှိ။ ဒါကြောင့် ကျောင်းပြီးကာစ ဆေးဝန်ထမ်းများ က ဆေးရုံမှာပိုလုပ်လိုကြသည်။ Ting ရောက်လာရမည့် အချိန်တွင် ရောက်မလာသည့်အတွက် သူ့  လူနာ က အေဂျင်စီကို ဖုန်းဆက်တော့မှ၊ သူပျောက်နေမှန်းသိပြီး လိုက်ရှာကြရာမှ သူ့ အလောင်း ကို Brookly မြစ်နားက ချုံပုတ်ကလေးမှာ တွေ့ ကြခြင်းဖြစ်သည်။ 

အသုဘအခမ်းအနားမှာ ပြင်ဆင်ထားသည့် Ting ၏ အလောင်းကို ကြည့်ပြီး၊ ကျွန်မ အင်မတန်မှ စိတ်ထိခိုက်မိသည်။ တရုတ်နှစ်သစ်ကူးသည့် ၂၀၁၂ ဖေဖော်ဝါရီလ၀န်းကျင် လောက်က Ting ပို့  ပေးသည့် နှစ်သစ်ဆုတောင်း အီးမေလ်းကို ရခဲ့သော်လည်း၊ စာမေးပွဲတွေနှင့် လုံးပန်းနေခဲ့သည့် အတွှက် ကျွန်မ စာမပြန်ခဲ့မိ။ သူ လူနာတွေ အိမ်မှာ ဆေးလိုက်ကုနေသည်ကို ကြားလိုက်သော်လည်း အဆင်ပြေလား ဆိုပြီး ကျွန်မ မမေးမိ။ ခနတာ အဆက်သွယ်ပြတ်တောက်ခဲ့မိသည့် အတွက်ကြောင့် ပိုပြီး ၀မ်းနည်းမိသည်။ ခံစားမှု  ကို ထုတ်ဖော်ပြောပြလေ့ မရှိတတ်သည့် အာရှသူများပီပီ၊ ကျွန်မတို့  နှစ်ယောက် တစ်ယောက် ကောင်းကြောင်း ကို တစ်ယေက်က စကားလုံးများဖြင့်  ထုတ်ဖော်ပြောခဲ့လေ့မရှိခဲ့၊  အတန်းထဲမှာ တခြား အမေရိ ကန်မလေးများက “I miss you” တို့ ၊ “you are so sweet” တို့  စသည့် အပြောလေးများဖြင့် တစ်ယောက်ကို တစ်ယောက် တွေ့ ကြလျှင် ဖက်ကြ၊ နမ်းကြ လုပ်ကြတာမျိုးလည်း ကျွန်မတို့ က မလုပ်တတ်ခဲ့ကြ။ အခု သူသေသွားတော့မှ သူ့ ရဲ့  ကောင်းကြောင်းလေးတွေ၊ သူ့ အပေါ်ဘယ်လို သဘောထားတယ် ဆိုတာလေးတွေ ကို ကျွန်မ ပြောခွင့်မရခဲ့သည်ကို နောင်တရမိသည်။ မိမိအလေးထားသူများ၊ ရင်းနှီးချစ်ခင်သူများ ကို အလေးထားကြောင်း၊ ချစ်ခင်ကြောင်း ပြောဖို့ ၊ ပြသဖို့  အချိန်မဆွဲသင့်သည့် သင်ခန်းစာ ကို ကျွန်မရခဲ့သည်။ 

Ting ကတော့ ပန်းတွေနှင့် လှလှပပ၊ ငြိမ်ငြိမ်သက်သက်လှဲလျောင်းနေခဲ့သည်။ လိုက်လံပို့  ဆောင်သူတွေ ၏ ငိုကြွေးသံ၊ မှာကြားသံများကို ကြားနိုင်သည်လား ဆိုတာတော့ ကျွန်မ မသိ။ သူ ဘာ့ကြောင့်သေသည်၊ တရားခံက ဘယ်သူ ဆိုတာက နောက်..အခုတော့ ..လူနာတွေကို သေမင်းလက်ကလုပေးဖို့  ဆန္ဒရှိသူတစ်ဦး၊ ကျန်းကျန်းမာမာနဲ့ ၊ နောက်ထပ် မာစတာ ဒီ၈ရီ ဆက်တက်ဖို့  ရည်ရွယ်ချက်ရှိသော နပ်စ့် မလေး ငယ်ငယ်ရွယ်ရွယ်ဖြင့် သေဆုံးခဲ့ရလေပြီ။ Susan လို သေမင်းအတွက် ကြိုတင်ပြင်ဆင်ချိန်မရခဲ့။ သူ့  ဘ၀အတွက် အရေးကြီးသည် ထင်သော ကိစ္စများ၊ အရေးပါသော သူများကို နှုတ်ဆက်ချိန်မရခဲ့။ 

သေတော့မည်ဟု ထင်ထားရသည့်သူ ကို ပြန်လည်အသက်ရှင်ခွင့်ပေးပြီး၊ မထင်ထားသည့် သူ ကို အရိပ်အမြွက်လေးပင် မပေးပဲ ခေါ်ဆောင်သွားခဲ့သည်။ သေမင်း၏ လှည့်စားတတ်သည့် သဘောသဘာဝ ကို ကျွန်မ တုန်လှုပ်မိသည်။ တဆက်တည်းမှာပင် ကျွန်မတို့  အားလုံး သေမင်းနှင့် အလွန်နီးကပ်နေနိုင်သည် ကို (လက်မခံချင်သော်လည်း) လက်ခံ မိသည်။ သေခြင်းတရားအတွက် ကျွန်မ ဘာမှ အဆင်သင့် မပြင်ဆင်ထားရသေးသည် ကို လဲ သတိထား လိုက် မိသည်။

ရင်းနှီးချစ်ခင်စွာဖြင့်

မစုဥာဏ်