တူညီသောဆန္ဒ

နယူးရောက်ရဲ့  ဆောင်းဦးအလှ

အမေရိကန်ပြည်ထောင်စုရဲ့  ဆောင်းဦးကာလ ကို ရောက်လာတဲ့အခါ မူလက တပင်လုံးစိမ်းစိုနေတဲ့ သစ်ရွက်တွေက အ၀ါရောင်၊ အနီရောင်၊ ပန်းရောင် စသဖြင့် အရောင် အမျိုးမျိုးပြောင်းလို့ လာတယ်။ သဘာဝ ရောင်စုံပန်းချီကားချပ် တစ်ချပ် ကြည့်ရသလို လှနေတဲ့ အပင်တွေ ကို မြင်တော့ အမေ့ ကို သတိရ မိတယ်။

ရှမ်းပြည်မှာ သစ်ရွက်ဆိုရင် အစိမ်းရောင်လို့  သာ မြင်ထားဖူးတဲ့ အမေက နယူးယောက်မှာ ဆောင်းဦးရောက်ရင် အရွက်တွေ အရောင်ပြောင်းတယ်လို့  ကြားတော့ တအံ့တသြဖြစ်လို့  နေခဲ့တယ်လေ။ အရွက်ရောင်စုံတွေကို မြင်ဖူးချင်ပေမယ့် ရှမ်းပြည်ကို ကြာကြာမခွဲနိုင်တဲ့ အမေက နယူးယောက် ရဲ့  ဆောင်းဦးအလှကို စောင့်မကြည့်နိုင်ပဲ ပြန်သွားခဲ့ပါတယ်။

အသက် ၇၀ နားနီးနေတဲ့ အမေဟာ ရှမ်းပြည်က ရွာလေးတစ်ရွာမှာ ပဲ ကြီးပြင်းခဲ့ပြီး ရပ်ဝေးခရီးဆိုရင် ရန်ကုန်ကို တောင် သိပ်မရောက်ဖြစ်ခဲ့တာမို့ ၊ ကျွန်မရှိတဲ့ နယူးရောက်ကို အလည်လာရတဲ့အခါ သူ့ ရဲ့  အမေရိကခရီးစဉ်ဟာ အံ့သြစရာတွေ နဲ့ ပြည့်လို့ နေခဲ့ပါတယ်။

နယူးရောက်ကို စစခြင်း ရောက်တဲ့ ညမှာ အမေက “သမီး ဧည့်စာရင်း သွားမတိုင်ဘူးလား”တဲ့။ အမေရိကမှာ  ဧည့်စာရင်းတိုင်ဖို့ မလိုဘူး လို့ ပြောပြပေမယ့် အစအနောက်သန်တဲ့ ကျွန်မပြောတာကို  အမေက ချက်ခြင်း မယုံခဲ့ပါဘူး။ ဧည့်စာရင်း တကယ်မတိုင်ရဘူးဆိုတာ လက်ခံသွားတဲ့ အချိန်က စပြီး  အမေဟာ သူတစ်သက်လုံး နားလည် လိုက်နာလာခဲ့တဲ့ မြန်မာပြည်က စနစ်နဲ့  မတူတဲ့ ဒီမိုကရေစီစနစ် ကို  တအံ့တသြနဲ့   စူးစမ်းပါတော့တယ်။


ဒီမိုကရေစနစ် ဆိုတာ လူတွေ ထင်တိုင်းကြဲပြီး လွတ်လွတ် လပ်လပ်နေနိုင်တဲ့စနစ်လို့ ပဲ နားလည်ထားခဲ့တဲ့ အမေက နယူးယောက်မှာ ညည လမ်းမတွေပေါ်မှာ အရက်မူးပြီး အော်ဟစ်သောင်းကျန်းနေသူတွေ (မြန်မာပြည်မှာလို) ကိုမတွေ့  ရတော့ လဲ အံ့သြတာပါပဲ။ လမ်းမတွေပေါ်မှာ ဘီယာသောက်ရင် အဖမ်းခံရမှာ မို့ လူတွေက အိမ်ထဲ၊ ဆိုင်ထဲမှာ ပဲ သောက်ကြတဲ့ အကြောင်း တကယ်တမ်းတော့ လွတ်လပ်စွာနေထိုင်တယ် ဆိုတဲ့နေရာမှာ တခြားသူတွေရဲ့  အခွင့်အရေးကို မထိခိုက်ရဘူးဆိုတဲ့ စည်းကမ်းသတ်မှတ်ထားတယ် ဆိုတဲ့ အကြောင်းတွေ ရှင်းပြတော့ အမေက ဒီမိုကရေစီစနစ်ကို တော်တော်သဘောကျသွားခဲ့ပါတယ်။

အမေရောက်ပြီး နောက်တနေ့ မှာ နယူးယောက်မြို့ လယ်က Times square ကို ကျွန်မလိုက်ပို့  ပါတယ်။ အမေ့ကို ဓာတ်ပုံရိုက်ပေးဖို့  အလုပ်မှာ မြင်းစီးပြီး လုံခြုံရေးကင်း လှည့် နေတဲ့ ရဲတစ်ယောက် က အမေ့ကို လှမ်းခေါ်ပါတယ်။ စစ်သားတွေ ရဲတွေဆိုတာ ကြောက်စရာလူတွေလို့ သာ မြင်တတ်တဲ့   တိုင်းရင်းသူပီပီ အမေက သူ့  ကို ဖမ်းတော့မယ်ထင်ပြီး ပြေးပါတော့တယ်။ အမှန်တော့ ရဲက သူနဲ့  ဓာတ်ပုံ တွဲရိုက်ဖို့ ခေါ်တာပါ။ အမေ အကြောက်လွန်သွားတဲ့ ပုံက ရီစရာကောင်းလှ ပေမယ့် ကျွန်မ မရီ ရက်ခဲ့ပါဘူး။ ရဲက မြင်းပေါ်က ဆင်းပြီး အမေ့ကို ရင်းရင်းနှီးနှီးနဲ့ ဓာတ်ပုံ တွဲရိုက်တော့ အမေက “အမေရိက က ရဲတွေ က သဘောကောင်းကြတယ်နော်” တဲ့။ အဲဒီလို အမေက ခပ်ရိုးရိုးလေးတွေးပြီး  ပြောသွားပေမယ့် ကျွန်မအတွက် အတွေးတွေ များခဲ့ရတဲ့ အဖြစ်အပျက်တွေ က ပြောမကုန်ပါဘူး။

ဥပမာ အမေရိကန်သမ္မတအိုဘားမားနေတဲ့  အိမ်ဖြူတော်အနီးကို အမေ့ကို အလည်ခေါ်သွားတုန်းက “သမီးရယ် အိုဘားမားက ဒီအိမ်မှာ တကယ်နေတာဖြစ်နိုင်ပါ့ မလား” လို့ မေးပါတယ်။ ဘာကြောင့်လဲ ဆိုတော့ မြန်မာပြည်လို နိုင်ငံသေးသေးမှာတောင် သမ္မတဘယ်မှာ နေတယ်ဆိုတာ ထိပ်တန်းလျို့ ဝှက် ချက်အနေနဲ့  ထားရတဲ့ ကိစP၊  လုံခြုံရေးတင်းကြပ်ထားရတဲ့ဟာ။ အခုလို ကမ္ဘာ ကျော်သမ္မတ တစ်ယောက်အိမ်ကို အမေရိကန်ပြည်သူတွေရော နိုင်ငံခြားသားခရီးသွားတွေရော အိမ်နဲ့  ခပ်နီးနီးအထိ ပေးလာပြီး ဓာတ်ပုံတွေ အရိုက်ခံတော့ သမ္မတက တကယ်မနေလို့  နေမှာပေါ့ တဲ့။ ကျွန်မအဖြေရကျပ်သွားခဲ့ပါတယ်။

ကျွန်မတို့ အိမ်ဖြူတော်နား ဓာတ်ပုံရိုက်နေတုန်းမှာ တိုက်တိုက်ဆိုင်ဆိုင် စစ်ဝါဒီဆန့် ကျင်သူတစ်စု ရောက်လာပြီး အိုဘားမားကို မကျေနပ်တဲ့ အကြောင်း ဆန္ဒလာပြကြပါတယ်။ကြွေးကြော်သံတွေနဲ့  အော်ဟစ်သူတွေ၊ ဆိုင်းဘုတ် ကိုင်ထားပြီး အော်ဟစ်နေသူတွေကို အိမ်ဖြူတော်နားစောင့် နေတဲ့ ရဲတွေက ဘာမှ မလုပ်ပဲနေတဲ့ မြင်ကွင်းက အမေ့ အတွက်တော့ ရင်သပ်ရှုမောနဲ့  မမေ့နိုင် စရာမြင်ကွင်းပါတဲ့။ ဆန္ဒပြသူနဲ့  အိမ်ဖြူတော်ကို နောက်ခံထားပြီး အမေ့ ကို ဓာတ်ပုံရိုက်ပေး လိုက်ပေမယ့် အမေက အဲဒီပုံကို မြန်မာပြည်ယူသွားရင် သူပါဆန္ဒပြနေတယ်ထင်ပြီး အပြစ်ကျ ခံရမှာစိုးလို့  ကြောက်တယ်ဆိုပြီး ထားခဲ့ပါတယ်။ သြော် အမေ..အမေ။

သုံးလတာ ကာလအတွင်းမှာ အမေဟာ အမေရိက ရဲ့ သမိုင်းဝင်နေရာ တော်တော်များများကို လည်ပတ်ခဲ့ရပြီး အမေရိကန်ရဲ့သမိုင်း၊ နိုင်ငံသားတိုင်းရပိုင်ခွင့်၊ လူ့  အခွင့်အရေးစသဖြင့်တွေကို  ခပ်ရေးရေး တီးမိခေါက်မိသွားခဲ့ပါတယ်။
နယူးယောက်ရဲ့ မြို့ တော်ဝန် က သာမာန်ပြည်သူတွေလို ပဲ မြို့ ပတ်ရထားစီးပြီး ရုံးတက်တာ တို့ ၊ ကိုယ်လက်မသန်စွမ်းတဲ့ သူတွေ ကို တခြားသူတွေနဲ့  တန်းတူ အခွင့်အရေးပေးတာတို့ ၊ အသက် ၆၅နှစ်နဲ့ အထက် လူကြီးတွေ အတွက် အစိုးရ က ကျန်းမာရေးစောင့်ရှောက်မှုပေးတဲ့ စနစ်ကျင့်သုံးတာတို့ စတာတွေကိုလဲ အမေက ချီးကျူးသွားပါတယ်။

ရေဒီယိုသတင်းတွေမှာ ရှမ်းပြည်နယ်နဲ့  ကချင်ပြည်နယ် အတွင်း တိုက်ပွဲတွေ ဖြစ်ပြီး တိုင်းရင်းသားတွေသေကြ၊ ထွက်ပြေးကြရတာတွေကို ကြားတော့ အမေက” အားလုံး ငြိမ်းငြိမ်းချမ်းချမ်းနဲ့  နေရတဲ့ ဘ၀ကို လိုချင်လှပါပြီ” တဲ့။ ခေတ်ပညာတတ်ကြီး မဟုတ်တဲ့ ဒီမိုကရေစီ ဆိုတာ ဘာမှန်းအသေချာ နားမလည်တဲ့ တိုင်းရင်းသူတစ်ဦးရဲ့ ရိုးရှင်းတဲ့ ဆန္ဒပါ။ အမေရေ အစိုးရသစ်လက်ထက်မှာ ပြောင်းလဲမှုတွေ လုပ်လာနေပြီ။ နယူးယောက်က အရွက်တွေ ရောင်စုံပြောင်းတာ အမေ မမြင်သွားရပေမယ့် ပြည်တွင်းမှာ ဒီမိုကရေစီရတာကို တော့ အမေမြင်ရတော့ မယ်နဲ့ တူတယ်။

အလားတူပဲ ဒေါ်အောင်ဆန်းစုကြည်ရဲ့ ရေဒီယိုအင်တာဗျူးတစ်ခုမှာ ဒေါ်စုက အသက်ကြီးကြီး အမယ်အိုတစ်ဦးကို “ဒီမိုကရေစီ ဘာလို့ လိုချင်သလဲ” လို့ မေးတော့ အမယ်အိုက “အကြောက်တရားကင်းကင်းနဲ့  နေချင်လို့ ပါ”လို့  ဖြေသတဲ့။
ကျွန်မတို့ လူသားတွေ အားလုံးဟာ နေထိုင်စားသောက်ပုံခြင်း ကွဲရင်ကွဲမယ်၊ ဘာသာစကားနဲ့  ယုံကြည်မှုတွေ ကွဲရင်ကွဲမယ်၊ ငြိမ်းငြိမ်းချမ်းချမ်းနဲ့  လူ့ အခွင့်အရေး အပြည့်အ၀နေရတဲ့ ဘ၀ကို လိုချင်တာခြင်း တူကြပါတယ်။ နိုင်ထက်စီးနင်း ဆက်ဆံခံရတဲ့ ဘ၀၊ မတရား ဖိနှိပ်ချုပ်ချယ်တာကို မခံချင်ကြတာခြင်းလဲ တူကြပါတယ်။ မွေးရာပါ လူ့  အခွင့်အရေးကို ရယူလိုတဲ့ တူညီသောဆန္ဒ တွေပါ။
                                                                                                   မစုဥာဏ်