ဥရောပရောက် အမေ့ ပုံရိပ်များ (၄) နှင့် အမေစု ရဲ့  အဖြေအချို့ 

အမေစုရဲ့ ဥရောပ ခရီးစဉ်အတွင်း၊ ဇွန်လ ၁ရ ရက်နေ့ ၁၈ ရက်နေ့ က ဓာတ်ပုံ မှတ်တမ်း ပါ။ အမေစု ဟာ နော်ဝေးနိုင်ငံ ဘာဂန်မြို့ က မြန်မာတိုင်းရင်းသားမိသားစုတွေနဲ့ တွေ့ ဆုံခဲ့ပြီး၊ အော်စလို ဖိုရမ် မှာ မြန်မာ့နိုင်ငံရေးအသွင်ကူးပြောင်းမှု အကြောင်း ဦးဆောင် ဆွေးနွေးခဲ့ပါတယ်။
ပြီးတော့ ကမ္ဘာကျော် U-2 အဖွဲ့ က အိုင်းရစ် အဆိုတော် ဘိုနို ရဲ့ ကိုယ်ပိုင် ရဟတ်ယာဉ် နဲ့  အတူ လိုက်ပါပြီး၊ အိုင်ယာလန် က ဂုဏ်ပြုပွဲ ကို တက်ရောက်တယ်။ အဆိုတော် ဘိုနိုဟာ အမေစု နေအိမ်အကျယ်ချုပ် ကျစဉ် ကာ လ ကတည်းက အမေ့ အတွက် ဂုဏ် ပြုတဲ့ သီချင်းတွေ ကို သီဆိုပေးခဲ့ပြီး၊ မြန်မာတွေ အကြောင်း ကမ္ဘာအနှံ့ က သူ့ ပရိသတ်တွေ သိအောင် ဆောင်ရွက်ပေးနေတဲ့ အဆိုတော် တစ်ဦးဖြစ်ပါတယ်။ ပရိတ်သတ် သန်းချီကြည့်တဲ့ သူ့ သီဆိုပွဲတွေ မှာ အမေစု ပုံ ကို တီဗွီဖန်သားပြင်တွေ၊ ဒီဂျစ်တယ်ပုံတွေ နဲ့  ချိတ်ဆွဲ ပြသပြီး သီချင်းသီဆိုသလို၊ စင်ပေါ်မှာ စကားပြောရင် လဲ အမေစု အကြောင်း ထည့်ပြောလေ့ရှိပါတယ်။ ၂၀၀၀ ခုနှစ်အတွင်း အမေစု အတွက် ရည်ရွယ်ပြီး သီဆိုခဲ့တဲ့ "Walk On" ဆိုတဲ့ သီချင်းကို ဖြန့် ချီခဲ့ပါသေးတယ်။
အခု စာရေးသားနေချိန်မှာ ဘိုနို ရဲ့ U2အဖွဲ့ နဲ့ အတူ၊ ကမ္ဘာကျော် အဆိုတော်များ၊ သရုပ်ဆောင်များမှ အမေဆု ကို ဂုဏ်ပြုတင်ဆက်မည့် Electric Burma အမည်ရှိ ဂီတပွဲတော် ကို ကျင်းပနေပြီ ဖြစ်ပါတယ်။ 

အမေစု နဲ့  မြန်မာ့အရေး အတွက် သီချင်းတွေ ဆိုပေးခဲ့တဲ့ ကမ္ဘာကျော်အဆိုတော် ဘိုနို  (AFP)

အော်စလိုဖိုရမ် မှာ သတင်းထောက်တွေ ရဲ့ အမေး ကို ဖြေကြားရာမှာ အမေစု က...

 မြန်မာနိုင်ငံ ကို Burma ကနေ Myanmar လို့ ပြောင်းလဲ ခေါ်ဆိုတာ ကို ဘာကြောင့် မကြိုက်ရတာလဲ ဆိုတဲ့ မေးခွန်းကို ဖြေရာမှာ  “မြန်မာဆိုတဲ့ နာမည်ကို မကြိုက်လို့  မဟုတ်ပါဘူး။ တိုင်းပြည်တစ်ခု ကို နာမည်ပြောင်းတဲ့ အခါ၊ ပြည်သူလူထု ကို ဆွေးနွေးတိုင်ပင်တာမျိုး သဘောထား ကောက်ယူတာမျိုး မရှိပဲ၊ သတင်းစာတွေ၊ တီဗွီ ထဲ ကနေ ရုတ်တရက် တိုင်းပြည်နာမည် ကို ပြောင်းလိုက်ပြီ လို့  ကြေငြာတာဟာ ဒီမိုကရေစီနည်းလမ်းနဲ့  မကိုက်ညီလို့  ကျွန်မ မကြိုက်တာပဲဖြစ်တယ်” လို့  ဖြေကြားခဲ့တယ်။  

မြန်မာ့နိုင်ငံရေးအသွင်ကူးပြောင်းမှု အကြောင်း ဆွေးနွေးပွဲ ဖိုရမ်မှာ တွေ့ ရတဲ့ အမေစု၊ နော်ဝေးနိုင်ငံခြားရေးဝန်ကြီး နဲ့  ဘိုနို(AP)

 ရိုဟင်ဂျာဟာ တွေကို မြန်မာနိုင်ငံသားတွေ အဖြစ် ခင်ဗျားလက်ခံသလား ဆိုတဲ့ မေးခွန်းကို သတင်းထောက်တစ်ယောက် က ချောင်ပိတ်ပြီး မေးလာတဲ့အခါ၊ အမေစု က.....

ပြသာနာတွေရဲ့ အရင်းမြစ်ဟာ တရားဥပဒေ စိုးမိုးရေးကင်းမဲ့လို့  ပဲဖြစ်တယ်။

မြန်မာနိုင်ငံသားဖြစ်ဖို့ ဘယ်လို အချက်အလက်တွေ နဲ့ သတ်မှတ်ထားသလဲ ဆိုတာ ကို တိတိကျကျ ပြည့်စုံတဲ့  ဥပဒေ မရှိသေးတဲ့ အချိန်မှာ ပြောရတာခက်ပါတယ်။ ဥပမာတစ်ခု ပြောပြရရင်၊ ရွေးကောက်ပွဲ အတွင်း ကိုယ်စားလှယ် အဖြစ် ၀င်ရောက်ယှဉ်ပြိုင်ဖို့  စည်းကမ်းချက်မှာ မြန်မာနိုင်ငံသားဖြစ်ရမယ်လို့  သတ်မှတ်ထားတယ်။ ကိုယ်စားလှယ် တစ်ယောက်က မြန်မာပြည်မှာမွေးတယ်၊ သူ့ မိဘတွေ က မြန်မာတွေ ဖြစ်တယ်၊ ဒါပေမယ့် နောက်ပိုင်း သူ့ ဖခင်က တခြားနိုင်ငံတစ်ခု မှာ နိုင်ငံသားအဖြစ် ခံယူလိုက်လို့  သူ့ ကို သတ်မှတ်ချက်နဲ့  မကိုက်ညီဘူး ဆိုပြီး ပယ်လိုက်တယ်။ ဒါကြောင့် ကျွန်မတို့ ဆီမှာ မြန်မာနိုင်ငံသားဖြစ်ဖို့  ဘယ်လို ဥပဒေအချက်တွေ သတ်မှတ်ထားသလဲ ဆိုတာတောင် ကျွန်မ တို့ ရှင်းရှင်းလင်းလင်း မသိဘူး။ ရိုဟင်ဂျာတွေ ကို ဘင်္ဂလားဒေ့ရ်ှကလဲ သူတို့ နိုင်ငံသားမဟုတ်ဘူးလို့  ပြောတယ်၊ ကျွန်မတို့ ဘက်ကလည်း ကိုယ့်နိုင်ငံသား မဟုတ်ဘူးလို့ ပြောတယ်၊ ဒါဆို သူတို့ တွေ ဘယ်က ရောက်လာကြတာလဲ။
 (အဲဒီ သတင်းထောက်က ထပ်ပြီး ရိုဟင်ဂျာတွေ ကို မြန်မာနိုင်ငံသားအဖြစ် လက်ခံမှာလား၊ ငြင်းပယ်မှာလား လို့ မေးတဲ့အခါ)

ကျွန်မ မသိပါဘူး။ ရှင်က ရိုဟင်ဂျာလို့ ပြောတဲ့နေရာမှာ၊ ဘယ်သူတွေကို ရည်ညွန်းတာလဲ၊ မြန်မာပြည်မှာ လွန်ခဲ့တဲ့ နှစ်ပေါင်းများစွာ ကတည်းက နေထိုင်လာတဲ့သူတွေ လား၊ ဒါမှမဟုတ် သိပ်မကြာသေးခင်က မှ နယ်စပ်ကို ဖြတ်ကျော်လာတဲ့ သူတွေ ကို ပြောတာလား။ တချို့ ကလည်း အခု မြန်မာနိုင်ငံသား ဖြစ်ဖို့ ပြောဆိုနေတဲ့ ရိုဟင်ဂျာတွေ ဟာ မြန်မာပြည်တွင်း နှစ်အတော်ကြာ  နေထို်င်နေတဲ့ သူတွေ မဟုတ်ပဲ၊ လတ်တလောက မှ ဘဂ်လားဒေ့ရှ် နိုင်ငံက နေ ကူးလာတဲ့ သူတွေ ဖြစ်တယ်လို့  ပြောကြတယ်။ တချိန်တည်းမှာပဲ ဘဂ်လားဒေ့ရှ် ကလဲ သူတို့ ကို မြန်မာနိုင်ငံက ကူးလာတဲ့သူတွေ လို့ ပြောတယ်။ ဥပဒေစိုးမိုးရေးမရှိပဲနဲ့ ဒီပြသာနာကို မဖြေရှင်းနိုင်ဘူး။ အခု လတ်တလော မှာဖြစ်တဲ့ ပြသာနာကို ပဲ ကြည့်လို့ မရဘူး၊ မြန်မာနိုင်ငံသား ဖြစ်ရန် သတ်မှတ်ထားတဲ့ ဥပဒေ၊ တရားဥပဒေ စိုးမိုးမှု၊ လူဝင်မှု ကြီးကြပ်ရေး နဲ့  နိုင်ငံသားအဖြစ် သတ်မှတ်ဖို့ လိုအပ်ချက် စတဲ့ ဥပဒေ အသေးစိပ်နဲ့  အခိုင်အမာရှိတော့မှ၊ အဲဒီ အချက်တွေ ပေါ်မူတည်ပြီး ကျွန်မတို့  ဆုံးဖြတ်လို့ ရမှာဖြစ်တယ်။ (ဒီ အမေးအဖြေ အစအဆုံး ဗွီဒီယို ရဲ့ လင့် ကို အောက်ဆုံးမှာ ပေးထားပါတယ်)

အမေစု Amnesty International ရဲ့ 2009ခုနှစ်က ချီးမြှင့်တဲ့ Ambassador of Conscience Award ကို လက်ခံရယူစဉ် (Getty Images)

 

AP

ဘိုနိုရဲ့ သီချင်းစာသား ကို ကြိုက်တယ်လို့  အမေစု က ပြောပါတယ်။ ထောက်ခံသူတွေ ရှိတာကောင်းတာပေါ့ ၊ အဆုံးသတ်မှာတော့ ကိုယ့်ခြေ၂ ချောင်းပေါ် ကိုယ့်ဘာသာ လျှောက်ယူရမှာပဲ လို့ ဆိုတဲ့ အမေစု။ (AP)

Dublin မြို့အထိ အမေစုကို သွားရောက်တွေ့ ဆုံတဲ့ ကိုဇာဂနာ (Reuters)

ဘာဂန် မြို့  က အမေစု နဲ့  မြန်မာမိသားစုတွေ့ ဆုံပွဲ မှ (AFP) 






အော်စလို ဖိုရမ် မှ အမေး၊ အဖြေ ဗွီဒီယို ကြည့်ရန် ဒီနေရာ ကို နှိပ်ပါ။ 

                                                                                                                                                   
  မစုဥာဏ်